गणेश उत्सवादरम्यान मांसविक्रीस शिरुरमधे विरोध ?

गणेश मंडळांच्या परिसरातील मांसविक्री दुकाने गणेशोत्सवात बंद ठेवावीत – ‘बजरंग दला’चे निवेदन !

दिनांक २१ आगस्ट २०२५ | प्रतिनिधी |

शिरूर शहरात गणेशोत्सव काळात गणेश मंडळांच्या परिसरातील मांसविक्री दुकाने बंद ठेवावीत, अशी मागणी बजरंग दलाने प्रशासनाकडे केली. प्रशासनाने गंभीर दखल घेत कार्यवाहीचे आश्वासन दिले.

आगामी गणेशोत्सवाच्या पार्श्वभूमीवर शहरात धार्मिक वातावरण पवित्र राहावे, या उद्देशाने विश्व हिंदू परिषद – बजरंग दल शिरूर प्रखंड तर्फे प्रशासनाला निवेदन सादर करण्यात आले. हे निवेदन मुख्याधिकारी प्रीतम पाटील, शिरूर पोलीस ठाण्याचे निरीक्षक तसेच तहसीलदार बाळासाहेब म्हस्के यांना स्वतंत्रपणे देण्यात आले.

श्रद्धा आणि पवित्रतेवर भर—

निवेदनात नमूद करण्यात आले आहे की, गणेशोत्सव हा केवळ सण नसून श्रद्धा व आस्थेचा महापर्व आहे. दररोज हजारो गणेशभक्त दर्शनासाठी येतात. अशा वेळी गणेश मंडळांच्या परिसरात मांस व मच्छी विक्री सुरू राहिल्यास वातावरण कलुषित होऊन भाविकांच्या भावना दुखावतात.

तीन संतापजनक घटना अधोरेखित—

बजरंग दलाने मागील वर्षी घडलेल्या तीन गंभीर घटनांचा उल्लेख केला –

1. शिरूर शहरातील विसर्जन हौदात गाईचे शीर आढळणे

2. प्रभू श्रीराम मंदिर परिसरात मास सापडणे

3. भाजी बाजारातील गणेश मंदिरासमोर चिकन दुकानातील कचरा डबा उलटल्याने रक्त वाहणे

या घटनांमुळे भाविकांमध्ये तीव्र संताप पसरला होता. त्यामुळे अशा प्रकारांची पुनरावृत्ती होऊ नये, यासाठी कडक पावले उचलावीत, अशी मागणी करण्यात आली.

बंदीची मागणी व कडक अंमलबजावणी—

बजरंग दलाने मुख्य मागणी केली आहे की, गणेशोत्सवाच्या दहा दिवसांत सर्व सार्वजनिक गणपती मंडळांच्या 300 मीटर परिसरातील मांस व मच्छी विक्रीची दुकाने तात्पुरती बंद ठेवावीत.

तसेच –

• विसर्जन घाट व प्रमुख मंदिर परिसरात CCTV कॅमेरे बसवावेत

• पोलीस बंदोबस्त ठेवावा

• प्रशासनाची प्रतिक्रिया

निवेदन स्वीकारताना तहसीलदार बाळासाहेब म्हस्के यांनी गंभीर दखल घेत नगरपालिकेला आवश्यक आदेश देण्याचे निर्देश दिले. मुख्याधिकारी प्रीतम पाटील यांनीदेखील “कडक भूमिका घेऊन योग्य ती कार्यवाही करू” असे स्पष्ट केले.

भावनिक आवाहन व इशारा—

निवेदनाचा उद्देश कोणत्याही समाजवर्गाविरुद्ध नसून हिंदू श्रद्धेचे रक्षण व सामाजिक सलोखा टिकवणे आहे, असे बजरंग दलाने स्पष्ट केले. तथापि, मागणी मान्य न झाल्यास मोठ्या प्रमाणावर तीव्र आंदोलन छेडण्याचा इशारा देण्यात आला आहे.

अधिक माहितीसाठी भेट द्या खालील संकेतस्थळांना•••

गणेशोत्सवाची माहिती – महाराष्ट्र पर्यटन

विश्व हिंदू परिषद अधिकृत संकेतस्थळ

महाराष्ट्र शासन – सार्वजनिक उत्सव नियमावली

सत्यशोधक च्या आणखीन बातम्या व लेख वाचा खालील लिंकवर क्लिक करून ••••

Ranjangaon MIDC News : कारेगाव येथून अल्पवयीन मुलगी अज्ञात इसमाने फूस लावून पळवली

Maharani Yesubai Jayanti : महाराणी येसुबाई जयंती २७ जुलै रोजी साजरी व्हावी – इतिहास अभ्यासक लक्ष्मीकांत राजे शिर्के यांची मागणी

Shirur Crime News : एस.टी. आगारात सरकारी कर्मचाऱ्याला मारहाण; शिरूर पोलीस ठाण्यात गुन्हा दाखल !

About The Author

Dr.Nitin Pawar

डॉ. नितीन पवार हे सत्यशोधक ब्लॉगचे संस्थापक आणि संपादक आहेत. ते सामाजिक न्याय, शिक्षण, राजकारण आणि चालू घडामोडींवर धाडसी, विश्लेषणात्मक आणि जमिनीच्या पातळीवरील दृष्टीकोनातून लिहितात.

डॉ. राजकीय पवार सामाजिक प्रश्न, शिक्षण आणि राजकारणावर अभ्यासपूर्ण आणि निर्भीड लेखन करतात.

See author's posts