रांजणगाव अपघात : पुणे–अहिल्यानगर महामार्गावर १९ वर्षीय तरुणाचा मृत्यू, वृद्ध महिला जखमी
शिरुर,दिनांक २५ ऑगस्ट २०२५: |प्रतिनिधी |
रांजणगाव अपघात : पोलीस ठाण्याच्या हद्दीत पुणे–अहिल्यानगर महामार्गावर भीषण अपघात. १९ वर्षीय रत्नदीप सावळे ठार, शशिकलाबाई बर्डे जखमी. गुन्हा दाखल.
शिरूर तालुक्यातील रांजणगाव पोलीस ठाण्याच्या हद्दीत सोमवारी दिनांक २५ ऑगस्ट २०२५ सकाळी ११.३० वाजण्याच्या सुमारास पुणे–अहिल्यानगर महामार्गावर भीषण अपघात झाला. या अपघातात १९ वर्षीय तरुणाचा मृत्यू झाला असून ७० वर्षीय वृद्ध महिला गंभीर जखमी झाल्या आहेत.
मृत व जखमींची माहिती—
मृत : रत्नदीप कृष्णा सावळे ,वय- १९ वर्षे , राहणार- डोक सांगवी, पाचंगे वस्ती, तालुका – शिरूर, जिल्हा – पुणे
जखमी : शशिकला बाई सहादेवराव बर्डे ,वय- ७० वर्षे, राहणार – हातोला, तालुका – दारव्हा, जिल्हा -यवतमाळ
अपघाताची हकिकत—
फिर्यादी निरंजन चंपतराव सावळे यांनी दिलेल्या तक्रारीनुसार –
मृत रत्नदीप सावळे आणि जखमी शशिकला बाई बर्डे हे स्प्लेंडर मोटारसायकल (क्र. MH-37/AC-9488) वरून शिरूरकडे जात होते.
त्याचवेळी सोनालिका ट्रॅक्टर (क्र. MH-16/BZ-8415) वरील चालकाने भरधाव वेगात, निष्काळजीपणे व वाहतुकीच्या नियमांकडे दुर्लक्ष करून ट्रॅक्टर चालवला. अचानक डिव्हायडरकडे घेतल्याने ट्रॅक्टरच्या ट्रॉलीने मोटारसायकलला जोरदार धडक दिली.
या धडकेत रत्नदीपचा मृत्यू झाला. तर शशिकलाबाई गंभीर जखमी झाल्या. मोटारसायकलचेही नुकसान झाले.
गुन्हा दाखल—
या प्रकरणी रांजणगाव पोलीस ठाण्यात गुन्हा रजिस्टर क्र. 300/2025 असा गुन्हा दाखल करण्यात आला आहे.
आरोपी ट्रॅक्टर चालकाविरोधात –
• भारतीय न्याय संहिता अधिनियम 2023 कलम 106(1), 281, 125(a)(b)
• मोटार वाहन कायदा कलम 184, 134/177
• याअंतर्गत कारवाई करण्यात आली आहे.
या प्रकरणाचा तपास पोलीस उपनिरीक्षक अनिल चव्हाण यांच्या मार्गदर्शनाखाली सुरू आहे.
निष्कर्ष—-
पुणे–अहिल्यानगर महामार्गावरील वाहतूक कोंडी, वेगमर्यादा मोडणे आणि निष्काळजीपणे वाहन चालवणे यामुळे अपघातांचे प्रमाण वाढत चालले आहे. या अपघातात एका तरुणाचे आयुष्य दुर्दैवाने संपले. तर वृद्ध महिला गंभीर जखमी झाल्या. वाहतुकीचे नियम काटेकोरपणे पाळले गेले तर अशा घटना टाळता येऊ शकतात.
अधिक वाचनासाठी फ्री बाह्य संदर्भ :
मोटार वाहन कायदा – Parivahan Portal
‘सत्यशोधक’ च्या बातम्या व लेख वाचा पुढील लिंकवर क्लिक करुन•••
शिरूर मध्ये टॅम्पोतून 53 हजार रुपयांचा पॉपकॉर्न चोरीला !
शिरूर मधुन १९ वर्षीय तरुणी बेपत्ता – कुटुंबीयांची मदतीची विनंती !
About The Author
