शिरुर डेपोतील वाहकावर हल्ला : देवदैठण मधे बस थांबवून केली मारहाण !

शिरुर डेपोतील वाहकावर हल्ला बातमी

शिरुर,दिनांक १६ नोव्हेंबर २०२५|प्रतिनधी |

शिरूर एसटी डेपोतील वाहकास देवदैठण येथे प्रवासी एसटी बस थांबवून (वाहक-संतोष थोपटे) यांच्यावर सागर ससाणे व एका साथीदाराने शिवीगाळ करत लाथाबुक्क्यांनी मारहाण केली. बेलवंडी पोलिस ठाण्यात गुन्हा दाखल, पुढील तपास पोलीस करीत आहेत.

📍 ठिकाण : देवदैठण, ता.श्रीगोंदा, जि.अहिल्यानगर.
🗓️ घटनेचा दिनांक : १५ सप्टेंबर २०२५, सायं. ६ वा.

देवदैठण येथे सोमवारी संध्याकाळी एस.टी. बसवरील वाहकाला दोन इसमांनी बस थांबवून मारहाण केल्याची गंभीर घटना उघडकीस आली आहे.

🔹 फिर्यादी—-

संतोष बाळासाहेब थोपटे (वय ३६, रा. सध्या मोराची चिंचोली),वाहक,शिरुर एसटी बस स्थानक.

🔹 आरोपी—

• सागर ससाणे, रा. देवदैठण,ता.श्रीगोंदा, जि.अहिल्यानगर

• एक अनोळखी इसम (लाल टी-शर्ट परिधान केलेला)

🔹 घटना कशी घडली?

• फिर्यादी व इतर प्रवासी एस.टी. (क्रमांक MH14TD4143) चालक कुंडलिक ज्ञानेश्वर गाडीलकर यांच्यासह देवदैठण येथून प्रवास करत होते.

• पावसामुळे रस्त्यावर पाणी साचलेले असताना एका इको कारला ओव्हरटेक करताना पाणी उडाले.

• त्यावर इको चालकाने शिवीगाळ करत “पुढे या, पाहतोच तुम्हाला!” अशी धमकी दिली.

• समर्थ लॉन्स, देवदैठण येथे आल्यावर इको कारने एस.टी. आडवी लावून थांबवली.

• आरोपी सागर ससाणे याने फोन करून मित्राला बोलावले. लाल टी-शर्ट परिधान केलेला तो इसम बसमध्ये शिरून संतोष थोपटे यांना घाणघाण शिवीगाळ करत लाथाबुक्क्यांनी मारहाण केली.

• मारहाणीच्या वेळी आरोपीने “माझे नाव सागर ससाणे आहे, पोलिस स्टेशनला जाऊन सांग” असे आव्हानात्मक वक्तव्य केले.

• एस.टी. चालक गाडीलकर व इतर प्रवाशांनी मध्यस्थी करून मारहाण थांबवली.

🔹 पुढील कारवाई—-

या प्रकरणी बेलवंडी पोलिस स्टेशन येथे फिर्याद दाखल करण्यात आली असून, पोलिस कां. अरविंद जाधव तपास करीत आहेत.
सदर तपास संतोष नारायण, पोलीस निरीक्षक,बेलवंडी, ता.श्रीगोंदा, जि.अहिल्यानगर यांच्या मार्गदर्शनाखाली सुरु आहे.