Shirur Drunk Driving Case मधे दारूच्या नशेत टँकर चालवत सार्वजनिक सुरक्षेला धोका निर्माण केल्याप्रकरणी एका चालकाविरुद्ध शिरूर पोलीस स्टेशन येथे मोटार वाहन कायदा कलम 185 अंतर्गत गुन्हा दाखल करण्यात आला आहे.सविस्तर बातमी वाचा…

Shirur Drunk Driving Case मधे आरोपी निलेश गजानन इंगळे

दिनांक 8 जुलै 2026 : (शहाशाबान शेख यांच्याकडून)

या प्रकरणातील आरोपी हा निलेश गजानन इंगळे,वय- 43, राहणार- नवजीवन कॉलनी, हडको, घर क्रमांक. 11, संभाजीनगर येथील असल्याचे पोलिसांनी सांगितले.

Shirur Drunk Driving Case : माहिती मिळाली ‘112’ वरुन!

पोलिसांनी दिलेल्या माहितीनुसार, 6 जुलै 2026 रोजी रात्री सुमारे 11.55 वाजता पुणे–अहिल्यानगर महामार्गावरील हॉटेल आर. के. समोर डायल 112 वर काल प्राप्त झाला.

टँकर वेड्यावाकड्या पद्धतीने चालवत होता !

कॉलच्या अनुषंगाने पोलिस पथक घटनास्थळी पोहोचले. त्यावेळी संबंधित आरोपी त्याच्या ताब्यातील MH 17 BY 3031 क्रमांकाचा टँकर वेड्यावाकड्या पद्धतीने चालवत असल्याचे निदर्शनास आले.

तोंडातून मद्याचा उग्र वास येत होता

पोलिस अंमलदार विनोद रामनाथ काळे यांनी चालकाची चौकशी केली असता त्याच्या तोंडातून मद्याचा उग्र वास येत असल्याचा संशय आला. त्यानंतर त्याची वैद्यकीय तपासणी करण्यात आली.

मोटार वाहन कायदा कलम 185 अन्वये गुन्हा दाखल

तपासणीदरम्यान डॉक्टरांनी आरोपीने मद्यप्राशन केल्याचे प्रमाणपत्र दिल्यानंतर त्याच्याविरुद्ध मोटार वाहन कायदा कलम 185 अन्वये गुन्हा नोंदविण्यात आला.

या प्रकरणात कोणताही माल किंवा शस्त्र जप्त करण्यात आलेले नाही. तसेच आरोपीला अटक करण्यात आलेली नसल्याचे पोलिसांनी स्पष्ट केले आहे.

पुढील तपास शिरुर पोलीस करत आहेत

या गुन्ह्याची नोंद गुन्हा रजिस्टर क्रमांक 622/2026 अशी करण्यात आली असून पुढील तपास पोलीस हवालदार वाघमोडे करीत आहेत. गुन्हा दाखल करण्याची प्रक्रिया पोलीस हवालदार वाडेकर यांनी पूर्ण केली.