Contents
आलेगाव पागा येथे गावठी दारू निर्मितीचा पर्दाफाश; शिरूर पोलिसांची कारवाई
आलेगाव पागा येथे गावठी दारू निर्मितीचा पर्दाफाश !
शिरूर ,दिनांक ४ ऑक्टोबर २०२५|प्रतिनिधी |
“शिरूर पोलिसांची आलेगाव पागा येथे गावठी दारू निर्मितीवर धडक कारवाई; ₹60,500 किमतीचा मुद्देमाल जप्त, आरोपी फरार. महाराष्ट्र दारूबंदी कायदा कलम 65 (क)(फ) अंतर्गत गुन्हा दाखल.”
महाराष्ट्र दारूबंदी कायद्याच्या अंमलबजावणीसाठी शिरूर पोलिसांनी आणखी एक कारवाई करत आलेगाव पागा येथील गायरान जमिनीत बेकायदेशीरपणे गावठी हातभट्टी दारू तयार करणाऱ्या ठिकाणावर छापा टाकला. या कारवाईत एकूण ₹60,500/- किमतीचा मुद्देमाल जप्त करण्यात आला असून आरोपी मात्र घटनास्थळावरून फरार झाला आहे.
• पोलिसांनी दिलेली माहिती—-
शिरूर पोलीस स्टेशन गुन्हा रजिस्टर क्र. 694/2025 महाराष्ट्र दारूबंदी कायदा कलम 65 (क)(फ) अन्वये ही कारवाई करण्यात आली. फिर्यादी म्हणून पोलीस अंमलदार ईश्वर रावसाहेब चव्हाण (वय 27) यांनी तक्रार दाखल केली आहे.
• पोलिसांनी दिलेल्या माहितीनुसार—-
3 ऑक्टोबर 2025 रोजी सकाळी 8.00 वाजता आलेगाव पागा (जांभळकर मळा, गायरान जमीन, ता. शिरूर) येथील तळ्याजवळ आरोपी गावठी हातभट्टीची दारू तयार करण्यासाठी लागणारे रसायन भिजत ठेवून दारू निर्मिती करत असल्याची माहिती पोलिसांना मिळाली. यानंतर पोलिसांनी पंचांच्या उपस्थितीत छापा टाकला असता, आरोपी अजय चांगदेव गव्हाणे (रा. आलेगाव पागा, ता. शिरूर) पोलिसांची चाहूल लागताच घटनास्थळावरून पसार झाला.
• जप्त मुद्देमाल—
• या कारवाईत पोलिसांनी खालीलप्रमाणे एकूण ₹60,500/- किमतीचा मुद्देमाल जप्त केला –
• ₹50,000/- किमतीचे 200 लिटर क्षमतेचे 5 निळ्या रंगाचे प्लॅस्टिक बॅरल्स (गावठी दारू तयार करण्यासाठी लागणारे गुळमिश्रीत रसायन, एकूण 1000 लिटर, दर ₹50/- प्रति लिटर)
• ₹500/- किमतीचे 5 लिटर गावठी हातभट्टी दारू (दर ₹100/- प्रति लिटर)
• ₹10,000/- किमतीचे लोखंडी बॅरल (200 लिटर जळके रसायन, दर ₹50/- प्रति लिटर)
• पुढील तपास—-
या प्रकरणी पो. हवा. टेंगले यांनी गुन्हा दाखल केला असून सफौ भोते तपास करत आहेत.कारवाई प्रभारी अधिकारी श्री. संदेश केंजळे, सोपोलीस निरीक्षक शिरूर पोलीस स्टेशन यांच्या मार्गदर्शनाखाली करण्यात आली.
• गावठी दारूचे वाढते प्रमाण : एक सामाजिक समस्या—
ग्रामीण भागात गावठी दारू निर्मिती व विक्रीचे प्रमाण दिवसेंदिवस वाढत आहे. अशा प्रकारची दारू आरोग्यास अत्यंत घातक असून अनेकवेळा विषबाधा, अंधत्व, मृत्यू अशा गंभीर घटना घडलेल्या आहेत. शासनाकडून वारंवार मोहिमा राबवूनही काही ठिकाणी अशा कारवाया सुरू असल्याचे चित्र दिसत आहे.
शिरूर पोलिसांची ही कारवाई कौतुकास्पद असली तरी अशा गुन्ह्यांवर आळा बसवण्यासाठी समाजातील सर्व घटकांचे सहकार्य गरजेचे असल्याचे मत व्यक्त होत आहे.
अधिक वाचा>>>
🌍 1. Maharashtra Prohibition Act 1949 (Govt. PDF)
2. पुणे ग्रामीण पोलीस – अधिकृत संकेतस्थळ
3. गावठी दारूचे दुष्परिणाम – आरोग्य माहिती
‘सत्यशोधक’च्या आणखीन बातम्या व लेख वाचा पुढील लिंकवर क्लिक करुन•••••
Chori Shirur : मोबाईल टॉवरवरून सोलर केबल व उपकरणे चोरी; अज्ञात आरोपीविरुद्ध गुन्हा दाखल
Shirur News 2 Girls Missing :दोन अल्पवयीन मुली बेपत्ता प्रकरणाचा यशस्वी छडा
About The Author
