Contents
राष्ट्रीय एकता दौड : शिरूर पोलिस स्टेशनतर्फे सरदार वल्लभभाई पटेल जयंतीनिमित्त उत्साही आयोजन
शिरूर ,31 ऑक्टोबर 2025 | प्रतिनिधी |
” शिरूर पोलिस स्टेशनतर्फे सरदार वल्लभभाई पटेल यांच्या 150 व्या जयंतीनिमित्त “रन फॉर युनिटी” अंतर्गत राष्ट्रीय एकता दौड आयोजित करण्यात आली. 200 पेक्षा अधिक नागरिक, विद्यार्थी आणि पोलिस अधिकारी सहभागी.”
लोहपुरुष सरदार वल्लभभाई पटेल यांच्या 150 व्या जयंतीनिमित्त “रन फॉर युनिटी” अंतर्गत “राष्ट्रीय एकता दौड” चे भव्य आयोजन आज शिरूर पोलिस स्टेशनतर्फे करण्यात आले. या कार्यक्रमात देशभक्तीचा आणि एकतेचा उत्साह ओसंडून वाहताना दिसला.
या एकता दौडीत 6 पोलीस अधिकारी, 40 पोलीस अंमलदार, सीताबाई थिटे कॉलेज व श्रीनाथ ॲकॅडमीचे विद्यार्थी तसेच स्थानिक नागरिक मिळून सुमारे 200 सहभागी उपस्थित होते.कार्यक्रमाचे उद्दिष्ट समाजात राष्ट्रीय ऐक्य, एकात्मता आणि देशप्रेमाचा संदेश पोहोचवणे हे होते.
दौड सीताबाई थिटे कॉलेज शिरूर येथून सुरू होऊन — बाबुराव नगर ब्रिज, सिटी बोरा कॉलेज समोरून, निर्माण प्लाझा चौक, इंदिरा गांधी पुतळा चौक, बीजे कॉर्नर, कोर्ट चौक असा मार्ग घेत तीन किलोमीटर अंतरावर पुन्हा सीताबाई थिटे कॉलेज येथे पूर्ण झाली.
कार्यक्रमानंतर विजेत्या सहभागींचा सन्मान करून प्रथम, द्वितीय, तृतीय क्रमांकाच्या धावपटूंना ट्रॉफी प्रदान करण्यात आल्या.
शिरूर पोलिस स्टेशनच्या अधिकाऱ्यांसह शिक्षकवर्ग, विद्यार्थी आणि नागरिकांनी मोठ्या संख्येने उपस्थित राहून “एकता हीच शक्ती” असा संदेश दिला.
राष्ट्रीय एकता दौड म्हणजे केवळ धावण्याची स्पर्धा नव्हे, तर भारताच्या अखंडतेसाठी एकत्रित पावले टाकण्याचा संकल्प! 🇮🇳
Read more >>>>>
शिरूर : हॉर्न वाजवण्यावरून तिघांकडून व्यावसायिकास मारहाण, जीव घेण्याची धमकी!
कर्नाटकातील सराफ व्यावसायिकाच्या अपहरण–खून प्रकरणाचा उलगडा
About The Author
