Liquir Raid News Shirur शिरूर तालुक्यातील जांबूत गावात व परिसरात शिरूर पोलिसांनी अवैध मद्यविक्री विरोधात धडक कारवाई केली. सलग चाललेल्या या मोहिमेत दोन वेगवेगळ्या ठिकाणी शिरुर पोलिसांनी छापे टाकले. या कारवाईत देशी व विदेशी दारूचा साठा जप्त करण्यात आला आहे.दोन व्यक्तींविरोधात महाराष्ट्र पोलीस कायदा कलम 65 (ई) अन्वये गुन्हे दाखल करण्यात आले आहेत.

वाचकाना खास लेख भेट —

1. शिवाजी महाराज vs टिपू सुलतान तुलना का नको? | ऐतिहासिक विश्लेषण .

2.Modi Vs Pawar : ‘भटकता आत्मा ‘ हे श्री.नरेंद्र मोदी यांचे वक्तव्य आणि श्री.पवारांचा प्रतिहल्ला: एक विश्लेषण!

Liquir Raid News Shirur : जांबूत परिसरात शिरूर पोलिसांची कारवाई, दोन ठिकाणी विदेशी दारू जप्त

24 May 2026

पोलिसांनी दिलेल्या माहितीनुसार ही कारवाई 22 मे 2026 रोजी सायंकाळी करण्यात आली. दोन्ही प्रकरणांमध्ये आरोपी कथितरित्या अवैधरीत्या दारू विक्रीचा धन्दा करत असल्याची माहिती मिळाल्यानंतर पोलिसांनी सापळा रचून ही कारवाई पार आपली .

पहिली कारवाई : शिवानंद हॉटेल, जाम्बुत परिसरातून 4050 रुपयांचा माल जप्त

Liquir Raid News Shirur पहिल्या प्रकरणात राजेश सदाशिव दरेकर,वय- 36 वर्ष, राहणार-पिंपरखेड, तालुका- शिरूर, जिल्हा पुणे याच्याविरुद्ध गुन्हा दाखल करण्यात आला आहे.

जांबूत गावातील ‘शिवानंद हॉटेल’ च्या आडोशाला आरोपी कथितरित्या दारू विक्री करत असल्याचे पोलिसांना आढळून आले.होटेलच्या नावात शिव व आनंद! पण असुरी धन्दे असे सर्रासच झाले आहे, असे एका नागरिकाने विनोदाने म्हटले!

जप्त करण्यात आलेल्या मालामध्ये:

• रॉयल स्टंग व्हिस्की – 8 बाटल्या

• क्लासिक गोल्ड व्हिस्की – 7 बाटल्या

• देशी संत्रा दारू – 5 बाटल्या,

• डिअरबाय स्पेशल व्हिस्की – 4 बाटल्या

एकूण जप्त माल किंमत : 4050 रुपये

या प्रकरणात पोलीस हवालदार बी. के. भबर यांनी फिर्याद दिली असून पुढील तपास सहायक फौजदार चव्हाण करत आहेत.

दुसरी कारवाई : प्रियंका हॉटेल परिसरातून 2570 रुपयांची विदेशी दारू जप्त

Liquir Raid News Shirur च्या दुसऱ्या कारवाईत शरद पटु हरड, वय -43 वर्ष, राहणार,मुंबई बाजार, शिरूर याच्याविरोधात गुन्हा दाखल करण्यात आला आहे.

जांबूत गावातील प्रियंका हॉटेल परिसरात आरोपी कथितरित्या विदेशी दारू विक्री करत असल्याचे पोलिसांना आढळले.

जप्त मालामध्ये:

• इम्पेरिअल ब्ल्यू व्हिस्की – 3 बाटल्या

• ऑफिसर चॉईस व्हिस्की – 2 बाटल्या

• डरबी स्पेशल व्हिस्की – 3 बाटल्या

• रेड मास्टर व्हिस्की – 2 बाटल्या

• मॅकडॉवेल्स व्हिस्की – 2 बाटल्या

एकूण जप्त माल किंमत : 2570 रुपये

या प्रकरणाचा पुढील तपास पोलीस कर्मचारी पालवे करत आहेत.

दोन्ही कारवायांमध्ये एकूण किती माल जप्त?

📊 जलद माहिती/Super Fast

🔹 पहिला गुन्हा : ₹4050

🔹 दुसरा गुन्हा : ₹2570

🔹 एकूण जप्त माल : ₹6620

🔹 एकूण आरोपी : 2

🔹 कारवाईचे ठिकाण : जांबूत, ता. शिरूर

🔹 कलम : महाराष्ट्र पोलीस कायदा 65 (ई)

वाढत्या अवैध मद्यविक्रीवर प्रश्नचिन्ह?

Liquir Raid News Shirur शिरूर तालुक्यात वारंवार अवैध दारू विक्रीच्या घटना समोर येत असल्याने ग्रामीण भागात अशा प्रकारच्या व्यवसायाचे जाळे वाढत आहे का? असा प्रश्न नागरिकांकडून उपस्थित केला जात आहे.आणि असेल तर त्याचे कारण नन्तर अशा आरोपीना सोडून दिले जाते, हे आहे. अशी खोचक टिपणी एका तरुणाने केली.

पोलीस कारवाया सुरू असल्या तरी अशा घटनांमुळे अवैध विक्री करणाऱ्यांवर अधिक कठोर कारवाई करण्याची मागणी होत आहे.कारण ते पून्हा सुरु होतात. तरुण, कुटुंबीय, लहान मुले, मुली, सामाजिक शांतता विस्कळीत होते.

टीप: वरील माहिती पोलीस नोंदी आणि दाखल गुन्ह्यांवर आधारित असून आरोपींवरील आरोप न्यायालयीन प्रक्रियेअंतर्गत आहेत.