Nimone Assault Case मधे शिरूर तालुक्यातील निमोणे येथील दुर्गे वस्ती परिसरात गायीच्या वादातून 20 वर्षीय तरुणावर बांबू व उसाने मारहाण झाल्याची घटना समोर आली आहे. याप्रकरणी शिरूर पोलीस ठाण्यात दोघांविरुद्ध भारतीय न्याय संहिता (BNS) अंतर्गत विविध कलमांनुसार गुन्हा दाखल करण्यात आला असून, पुढील तपास सुरू आहे.

शिरूर, प्रतिनिधी, दिनांक 25 जुन 2026

Nimone Assault Case : फिर्यादीने काय म्हटले?

पोलिसांनी दिलेल्या माहितीनुसार, किरण उत्तम बहिरट,वय- 20 वर्ष , व्यवसाय – शेती, राहणार – दुर्गे वस्ती, निमोणे, तालुका – शिरूर, जिल्हा – पुणे यांनी याबाबत शिरूर पोलीस ठाण्यात फिर्याद दिली आहे.

फिर्यादीनुसार, 20 जून 2026 रोजी दुपारी सुमारे 4 वाजण्याच्या सुमारास तुषार एकनाथ दोरगे आणि भरत एकनाथ दोरगे (दोघे राहणार – दुर्गे वस्ती, निमोणे) हे फिर्यादीच्या घरासमोर आले. “तू माझी गाय का सोडली?” असा जाब विचारत त्यांनी शिवीगाळ व दमदाटी केल्याचा आरोप आहे.

बांबू व उसाने मारहाण केल्याचा आरोप

फिर्यादीच्या म्हणण्यानुसार, तुषार दोरगे याने शेजारी पडलेल्या बांबूने, तर भरत दोरगे याने उसाने फिर्यादीच्या पाठीवर, पायावर आणि डोक्यावर मारहाण केली. या मारहाणीत फिर्यादी जखमी झाला असल्याचे तक्रारीत नमूद करण्यात आले आहे.

Nimone Assault Case : जीवे मारण्याची धमकी दिल्याचा आरोप

फिर्यादीने दिलेल्या तक्रारीनुसार, मारहाणीनंतर तुषार दोरगे याने मोबाईलवर संदेश पाठवून “तुझे तुकडे तुकडे करीन” अशी जीवे मारण्याची धमकी दिली. त्यामुळे फिर्यादीने संबंधित दोघांविरुद्ध कायदेशीर कारवाईची मागणी केली आहे.

शिरूर पोलिसांत गुन्हा दाखल

या Nimone Assault Case प्रकरणी शिरूर पोलीस ठाण्यात गुन्हा रजिस्टर क्रमांक 585/2026 अन्वये भारतीय न्याय संहिता (BNS) कलम 118(1), 352, 351(2), 351(3), 351(4) आणि 3(5) अंतर्गत गुन्हा दाखल करण्यात आला आहे.

पोलिसांचा पुढील तपास सुरू

गुन्हा दाखल करण्याची प्रक्रिया पोलीस हवालदार गर्कळ यांनी पूर्ण केली असून, या प्रकरणाचा पुढील तपास पोलीस हवालदार मोरे करीत आहेत. या Nimone Assault Case मधील सर्व बाबींचा तपास करून पुढील कायदेशीर कारवाई करण्यात येणार असल्याचे पोलिसांनी सांगितले.

टीप : सदर वृत्त हे फिर्यादीने दिलेल्या तक्रार आणि पोलिसांकडून उपलब्ध प्राथमिक माहितीनुसार तयार करण्यात आले आहे. आरोपींविरुद्धचे आरोप न्यायालयात सिद्ध होणे बाकी आहे.