State Level Honour : राज्यस्तरीय समाजरत्न पुरस्काराने मदन पवार यांचा गौरव!

State Level Honour To Madan Pawar

दिनांक 18 जुन 2025 | प्रतिनिधी |

” State Level Honour: राज्यस्तरीय समाजरत्न पुरस्कार वितरण सोहळ्यात श्रावस्ती बहुउद्देशीय सेवा संस्थेच्या सामाजिक कार्याची व एकल महिलांसाठीच्या योगदानाची प्रशंसा झाली. मदन पवार यांना गौरवण्यात आले. समाजसेवेतील योगदान, कोविड काळातील मदतकार्य आणि महिलांसाठीच्या लढ्याचा गौरव.”

“श्रावस्ती बहुउद्देशीय सेवा संस्था”तर्फे आयोजित स्नेह सोहळ्यात राज्यस्तरीय समाजरत्न पुरस्कार वितरण सोहळा उत्साहात पार पडला. या कार्यक्रमाचे अध्यक्षस्थान ऑल इंडिया पँथर सेनेचे राष्ट्रीय अध्यक्ष दीपकभाई केदार यांनी भूषवले, तर स्वागताध्यक्ष म्हणून सेवानिवृत्त अधिकारी मदन पवार उपस्थित होते.

कार्यक्रमाची सुरुवात क्रांतीज्योती सावित्रीबाई फुले यांच्या प्रतिमेला पुष्प अर्पण करून करण्यात आली. समाज कार्यात दिलेल्या मोलाच्या योगदानाबद्दल मदन पवार यांना “राज्यस्तरीय समाजरत्न पुरस्कार” प्रदान करण्यात आला.

State Level Honour: राज्यस्तरीय समाजरत्न पुरस्कार वितरण सोहळ्यात श्रावस्ती बहुउद्देशीय सेवा संस्थेच्या सामाजिक कार्याची व एकल महिलांसाठीच्या योगदानाची प्रशंसा झाली. मदन पवार यांना गौरवण्यात आले. समाजसेवेतील योगदान, कोविड काळातील मदतकार्य आणि महिलांसाठीच्या लढ्याचा गौरव.”

🗣️ मदन पवार यांचे मनोगत—

“समाजात काम करताना एकल महिलांना भेडसावणाऱ्या अनेक सामाजिक आणि मानसिक समस्यांची जाणीव झाली. त्यामुळे ‘श्रावस्ती’ संस्थेने विधवा, परितक्ता, घटस्फोटित, अविवाहित आणि आधारविहीन महिलांसाठी न्याय, सुरक्षा आणि स्वावलंबनासाठी कार्य सुरु केले,” असे त्यांनी सांगितले.

‘आशेचा एक उजळता किरण’—

कोविड महामारीच्या काळात संस्थेने अन्न, औषधे, वैद्यकीय मदत व मानसिक समुपदेशन यांसारख्या सेवा गरजू महिलांसाठी दिल्या. ही संस्था आज ‘आशेचा एक उजळता किरण’ ठरत आहे.
या पुरस्कारामुळे माझी जबाबदारी अधिक वाढली असून नव्या जोमाने कार्य करेन, असे मदन पवार यांनी नमूद केले.

👥 प्रमुख मान्यवरांची उपस्थिती—

कार्यक्रमास सेवानिवृत्त तहसीलदार अशोक नाईक, कबनूरच्या सरपंच सुलोचना कट्टी, पंचगंगा साखर कारखान्याचे प्रमोद पाटील, संस्थेचे अध्यक्ष भक्ती शिंदे, सचिव राहुल वराळे यांच्यासह अनेक मान्यवर उपस्थित होते.