Shirur Encroachment Protest 2026: शिरूर येथे अमरण उपोषण करत बसलेले सामाजिक कार्यकर्ते, अन्यायाविरोधातील शांत आंदोलन
Shirur Encroachment Protest 2026 has gained attention as social activist Savalaram Aware launched an indefinite hunger strike at the Tehsil Office in Shirur, Pune, on March 23, 2026. Alleging inaction by the municipal authorities despite repeated complaints over the past four years, Aware has brought the issue of illegal constructions and growing encroachments in Shirur city back into the spotlight, raising serious concerns about urban governance and public safety.
शिरुर, पुणे | 23 मार्च 2026 —
शिरुर शहरातील वाढत्या अतिक्रमणाच्या विरोधात सामाजिक कार्यकर्ते सावळाराम आवारी यांनी तहसील कार्यालय, शिरुर येथे आजपासून आमरण उपोषण सुरू केले आहे. गेल्या चार वर्षांपासून नगरपरिषदेला वारंवार निवेदने देऊनही कोणतीही ठोस कारवाई न झाल्याने अखेर त्यांनी आंदोलनाचा मार्ग स्वीकारला असून, शहरातील बेकायदा बांधकामांचा प्रश्न पुन्हा एकदा ऐरणीवर आला आहे.
शिरुर शहरात वाढत्या अतिक्रमणाच्या समस्येविरोधात सामाजिक कार्यकर्ते सावळाराम आवारी यांनी अखेर आमरण उपोषणाचा मार्ग स्वीकारला आहे. Shirur Encroachment Protest 2026. शहीद दिन (23 मार्च 2026) पासून सकाळी 10 वाजता त्यांनी तहसील कार्यालय, शिरुर येथे उपोषण सुरू केले असून, “जोपर्यंत ठोस कारवाई होत नाही, तोपर्यंत उपोषण मागे घेणार नाही,” असा निर्धार त्यांनी व्यक्त केला आहे.
सविस्तर भुमिका: सावळाराम आवारी
गेल्या चार वर्षांपासून आवारी यांनी शिरुर नगरपरिषद, तहसील प्रशासन आणि संबंधित विभागांना सातत्याने पत्रव्यवहार करून शहरातील अतिक्रमणाबाबत लक्ष वेधले. अनेकदा प्रत्यक्ष भेटी घेऊन माहिती दिली; मात्र प्रशासनाकडून केवळ नोटिसा देण्यापुरतीच कारवाई होत असल्याचा आरोप त्यांनी केला आहे. परिणामी, शहरात अतिक्रमणाचा प्रश्न दिवसेंदिवस गंभीर होत चालला आहे.
Contents
📍 शहरातील विविध भागांत अतिक्रमणाचे जाळे : Shirur Encroachment Protest 2026
आवारी यांच्या मते, शिरुर शहरातील अनेक भागांत बेकायदा बांधकामे आणि अतिक्रमण मोठ्या प्रमाणात वाढले आहे. रम्यनगरी परिसरातील डीपी रोड हा पूररेषेच्या क्षेत्रात येत असूनही तेथे अनधिकृत बांधकामे उभी राहिल्याचा आरोप आहे. तसेच जिजामाता गार्डन ते सेंट्रल दवाखाना रोड या भागात फुटपाथवर मोठ्या प्रमाणात ज्यूस टपऱ्या आणि इतर व्यावसायिक अतिक्रमण दिसून येत आहेत, ज्यामुळे पादचाऱ्यांना चालणेही कठीण झाले आहे.
याशिवाय, मंगलमूर्ती नगर येथे 13 ते 14 जणांना नगरपरिषदेकडून नोटिसा देण्यात आल्या; मात्र प्रत्यक्ष कारवाई अद्याप शून्यच असल्याचे आवारी यांनी सांगितले. त्यामुळे “नोटीस देणे आणि प्रत्यक्ष अंमलबजावणी यामध्ये मोठी तफावत आहे,” असा आरोप त्यांनी केला आहे.
🚧 पाबळ फाटा आणि इतर ठिकाणांवरील समस्या
पाबळ फाटा येथे गेल्या दीड महिन्यापासून फिरती झोपडपट्टी वास्तव्यास असल्याचेही त्यांनी निदर्शनास आणले. या झोपड्यांमध्ये राहणारे लोक कोण आहेत, कुठून आले आहेत, याची कोणतीही माहिती ना नगरपरिषदेकडे आहे, ना तहसील कार्यालयाकडे, ना पोलीस प्रशासनाकडे—असा गंभीर मुद्दा त्यांनी उपस्थित केला आहे.
तसेच शहरातील अनेक ठिकाणी रस्त्याच्या कडेला चारचाकी आणि दुचाकी वाहने बेफाम उभी केली जात असून, त्यामुळे वाहतुकीला अडथळा निर्माण होत आहे. विद्याधाम कॉर्नर, पाबळ फाटा, सोळा परिसर आदी ठिकाणी गेल्या दोन महिन्यांपासून अनधिकृत स्ट्रक्चर उभारलेले दिसत असून, त्यावरही कोणतीही ठोस कारवाई झालेली नाही. हे Shirur Encroachment Protest 2026 चे मुख्य कारण ठरले.
🌊 नदीकाठ आणि पूररेषेतील बांधकामे
आवारी यांनी सुशीला पार्क परिसर, स्मशानभूमी रोड (अमरधाम रोड) आणि नदीकाठच्या भागात झालेल्या अतिक्रमणांबाबतही गंभीर चिंता व्यक्त केली आहे. नदीपात्रालगत आणि पूररेषेच्या आत बांधकामे होत असल्याने भविष्यात मोठा धोका निर्माण होऊ शकतो, असे त्यांनी म्हटले आहे.
📢 “कारवाई होईपर्यंत उपोषण सुरूच राहणार”
सावळाराम आवारी यांनी स्पष्ट शब्दांत सांगितले की, “गेल्या चार वर्षांपासून प्रशासनाला सातत्याने सूचना देऊनही कोणतीही ठोस कारवाई झाली नाही. त्यामुळे आता उपोषणाशिवाय पर्याय उरलेला नाही. जोपर्यंत अतिक्रमणांवर प्रत्यक्ष कारवाई होत नाही, तोपर्यंत मी उपोषण सुरूच ठेवणार.”
त्यांच्या या आंदोलनाला काही स्थानिक नागरिकांचा पाठिंबा मिळत असून, शहरात या प्रश्नावर चर्चा रंगू लागली आहे. प्रशासनाने तातडीने पावले उचलली नाहीत, तर आंदोलन तीव्र होण्याची शक्यता नाकारता येत नाही.
🔎 प्रशासनाची भूमिका काय?
या प्रकरणात नगरपरिषद, तहसील आणि पोलीस प्रशासनाची भूमिका काय राहणार, याकडे सर्वांचे लक्ष लागले आहे. अतिक्रमणाचा प्रश्न केवळ कायदेशीरच नव्हे, तर नागरिकांच्या सुरक्षेशीही संबंधित असल्याने तातडीने आणि कठोर कारवाईची मागणी होत आहे.
📢 अधिक अपडेट्ससाठी ‘सत्यशोधक आवाज’ सोबत राहा.
More News>>>>
33 फुटी रस्ता अतिक्रमणांमुळे बंद पडला ! कोठे आणि का यावर आवाज उठवला गेला? ते वाचा सविस्तरपणे !
Worker:s :Exploytation : कामगारांचे शोषण : रांजणगाव एम आय डी सी त नित्याचेच !
About The Author
