Alibag News: जिल्हा रुग्णालय अलिबागमधील पुरुष शौचालय ९ महिन्यांपासून बंद; रुग्ण व नातेवाईकांची मोठी गैरसोय

Alibag News District Hosptial Issue

दिनांक 31 मे 2025 : अलिबाग प्रतिनिधी अमुलकुमार जैन |

देशभरात स्वच्छ भारत अभियानाचा डंका वाजवण्यात येत असतानाच रायगड जिल्ह्यातील अलिबाग येथील जिल्हा सरकारी रुग्णालयात मात्र स्वच्छतेच्या नावाने बोंब असल्याचे चित्र आहे. पुरुष वैद्यकीय विभागातील एकमेव शौचालय गेल्या नऊ महिन्यांपासून बंद असून, या विभागात दाखल रुग्ण व त्यांच्या नातेवाईकांना प्रचंड अडचणींचा सामना करावा लागत आहे.

शौचालयाचे काम नोव्हेंबर २०२४ मध्ये सुरू करण्यात आले होते—-

सदर शौचालयाचे काम नोव्हेंबर २०२४ मध्ये सुरू करण्यात आले असले तरी आजही अपूर्णच आहे. त्यामुळे रुग्ण व त्यांच्या कुटुंबीयांना शेजारच्या महिला विभागातील शौचालयाचा वापर करावा लागत आहे. विशेष म्हणजे, त्या ठिकाणी “फक्त पुरुषांसाठी” अशी पाटी असूनही, अशा परिस्थितीत दोन्ही लिंगांमध्ये अस्वस्थता वाढली आहे.

दुर्गंधी, पाण्याची अनुपलब्धता आणि स्वच्छतेचा अभाव–

**Alibag News : जिल्हा रुग्णालयातील अस्वच्छता!**

असल्याचे सांगण्यात आले, पण सर्वच बंद आहेत. जिथे कधीमधी काही शौचालय सुरू असते, तिथे दुर्गंधी, पाण्याची अनुपलब्धता आणि स्वच्छतेचा अभाव हे ठळक प्रश्न आहेत. रुग्णांच्या नातेवाईकांनी थेट बाहेरून पाणी आणावे लागते.

शेतकरी कामगार पक्षाची मागणी—

शेतकरी कामगार पक्षाच्या आरोग्य व आपत्ती समितीचे जिल्हाकार्यकरिणी सदस्य व अलिबाग तालुका शहर प्रमुख सागर पेरेकर यांनी रुग्णालय प्रशासनाला यासंदर्भात जागे करत त्वरित उपाययोजना करण्याची मागणी केली आहे.

कर्मचारी इतर कामांसाडी वळवले?

कक्षाधिकारी परिचारिका यांनी नाव न सांगण्याच्या अटीवर सांगितले की, शौचालयाचे बांधकाम करणारे कर्मचारी इतर ठिकाणी वळवले गेले असून, अधूनमधूनच येथे काम केले जाते. हे काम लवकर पूर्ण करून विभागातील स्वच्छतेची दुरवस्था थांबवणे गरजेचे असल्याचे त्यांनी नमूद केले.

फिल्टर वॉटर कुलरमध्ये गाळ व अळ्या आढळल्या होत्या —-

यापूर्वी रुग्णालयातील फिल्टर वॉटर कुलरमध्ये गाळ व अळ्या आढळल्याचा प्रकारही घडला होता. या सर्व घटनांतून रुग्ण आणि त्यांच्या कुटुंबीयांच्या आरोग्याचा गंभीर प्रश्न निर्माण झाला असून, जिल्हा प्रशासन आणि आरोग्य विभागाने तत्काळ पावले उचलणे गरजेचे ठरते.