आपत्ती व्यवस्थापन संघाचा दुबईत आंतरराष्ट्रीय सन्मान:दौलतनाना शितोळे यांच्या कार्याची दखल

‘मिलेनियर लाईफ स्टाईल अवॉर्ड’ जाहीर; हजारो जीव वाचविणाऱ्या कार्याची जागतिक दखल

✍️ प्रतिनिधी | विशेष वृत्त|दिनांक 22 जानेवारी 2026|

हजारो जीव वाचविणाऱ्या आपत्ती व्यवस्थापन संघाला The Millionaire Club Dubai कडून ‘मिलेनियर लाईफ स्टाईल अवॉर्ड’. पुरस्कार वितरण 25 जानेवारीला दुबईत.

आपत्ती व्यवस्थापनाच्या क्षेत्रात उल्लेखनीय व जीव वाचविणारे कार्य करणाऱ्या आपत्ती व्यवस्थापन संघाला आंतरराष्ट्रीय स्तरावर मोठा सन्मान मिळाला आहे. The Millionaire Club Dubai यांच्या वतीने दिला जाणारा प्रतिष्ठित ‘मिलेनियर लाईफ स्टाईल अवॉर्ड’ या वर्षी आपत्ती व्यवस्थापन संघाला जाहीर करण्यात आला आहे.
हजारो नागरिकांचे प्राण वाचविणाऱ्या कार्याची दखल घेत हा पुरस्कार जाहीर झाल्याने सामाजिक क्षेत्रात समाधान व्यक्त होत आहे.

आपत्तीच्या काळात देवदूत ठरले स्वयंसेवक

आपत्ती व्यवस्थापन संघाने आजपर्यंत देशातील विविध नैसर्गिक व मानवनिर्मित आपत्तींमध्ये प्रभावी मदतकार्य केले आहे. उत्तराखंड येथे झालेल्या भीषण भूस्खलनात संघाच्या स्वयंसेवकांनी प्राणाची बाजी लावून सुमारे ४,००० लोकांचे प्राण वाचविले.
तसेच २०१९ साली सांगली येथे आलेल्या महापुरात हजारो नागरिकांना सुरक्षित स्थळी हलविण्यासाठी स्वयंसेवक दिवसरात्र कार्यरत होते.

माळीण दुर्घटना, रेस्क्यू ऑपरेशन आणि जीवदान

माळीणसारख्या दुर्दैवी नैसर्गिक घटनेत आपत्ती व्यवस्थापन संघाने राबविलेल्या रेस्क्यू ऑपरेशनमुळे ३०० हून अधिक लोकांचे प्राण वाचविण्यात यश आले. अशा अनेक घटनांमध्ये संघाचे प्रशिक्षित स्वयंसेवक संकटग्रस्तांसाठी आशेचा किरण ठरले आहेत.

बेवारस मृतदेह, गुन्हे उकलमध्ये प्रशासनाला मदत

बेवारस मृतदेहांचे सन्मानपूर्वक अंत्यसंस्कार करणे, तसेच विविध गुन्ह्यांमध्ये मृतदेहांचा शोध घेण्यासाठी प्रशासनाला मदत करणे या कामातही आपत्ती व्यवस्थापन संघ नेहमीच अग्रेसर असतो.
अनेक वेळा गुन्हे उकल करताना प्रशासनास अडचणी येतात, मात्र संघाचे प्रशिक्षित स्वयंसेवक या संवेदनशील कामांमध्ये अत्यंत सफाईदारपणे योगदान देतात.

रस्ते अपघातांमध्ये तातडीची मदत व जनजागृती

आज रस्ते अपघात ही गंभीर नागरी समस्या बनली असताना, आपत्ती व्यवस्थापन संघाचे स्वयंसेवक अपघातग्रस्तांना तात्काळ रुग्णालयात पोहोचविण्याचे काम करीत आहेत.
यासोबतच अपघात टाळण्यासाठी मार्गदर्शन शिबिरे व जनजागृती उपक्रम सातत्याने राबविले जात आहेत.

२०१२ मधील रोपटे आज वटवृक्ष

२०१२ साली सुरू झालेले हे कार्य आज भव्य स्वरूप धारण करत आहे. भविष्यातही नैसर्गिक व मानवनिर्मित आपत्तींमध्ये सर्वसामान्यांचे प्राण वाचविण्यासाठी आपत्ती व्यवस्थापन संघ कटिबद्ध राहील, असा विश्वास संस्थेच्या वतीने व्यक्त करण्यात आला आहे.

२५ जानेवारीला दुबईत पुरस्कार वितरण

या आंतरराष्ट्रीय पुरस्काराचे वितरण २५ जानेवारी रोजी दुबईतील Ramada Downtown Dubai येथे होणार आहे.
“समाजाला काहीतरी देणे लागते” या भावनेतून काम करत असताना असे पुरस्कार स्वयंसेवकांना नवे बळ देतात, अशी भावना संस्थेने व्यक्त केली.

🔎 FAQ

Q1. मिलेनियर लाईफ स्टाईल अवॉर्ड कोण देतो?
👉 The Millionaire Club Dubai या आंतरराष्ट्रीय संस्थेमार्फत हा पुरस्कार दिला जातो.

Q2. आपत्ती व्यवस्थापन संघाचे मुख्य कार्य काय आहे?
👉 नैसर्गिक व मानवनिर्मित आपत्तींमध्ये रेस्क्यू, जीव वाचविणे, अपघातग्रस्तांना मदत व जनजागृती.

Q3. पुरस्कार वितरण कधी व कुठे होणार आहे?
👉 २५ जानेवारी रोजी दुबईतील Ramada Downtown Dubai येथे.

Read more >>>>>>>

द्रोणाचार्य करिअर अकॅडमी शेवगावचे तीन शिलेदार देशसेवेसाठी सज्ज

राजमाता जिजाऊ यांची 428 वी जयंती|कोळगाव डोळस ग्रामपंचायतीकडून दुर्लक्ष झाल्याची धक्कादायक माहिती?

महाराष्ट्रातून Lepracy Eradication झाले का? :अभ्यास, आकडेवारी, आणि धोरण

अधिक माहिती आपल्याला पुढील सन्केतस्थळावर मिळेल:

🔗 1) Official Award Organization (Primary Authority)
The Millionaire Club Dubai – Official Website

मिलेनियर क्लब दुबई 

🔗 2) Government Disaster Management Authority
National Disaster Management Authority
राष्ट्रीय आपत्ती व्यवस्थापन प्राधिकरण (NDMA)
🔗 3) International Humanitarian / Emergency Response Body
International Federation of Red Cross and Red Crescent Societies (IFRC)

🔗 Hotel / Venue Official Site 
Ramada Downtown Dubai – Official Website
का महत्त्वाचे?

About The Author

Dr.Nitin Pawar

administrator

डॉ. नितीन पवार हे सत्यशोधक ब्लॉगचे संस्थापक व संपादक आहेत. ते विविध विषयांवर चिंतन, प्रबोधन व अभ्यासपूर्ण लेखन करतात.

See author's posts