162334

🚨 सादलगाव गणपतीमाळ येथे मोटारसायकल चोरीची घटना 🚨

शिरुर, 3 नोव्हेंबर 2025 | प्रतिनिधी |

शिरूर तालुक्यातील सादलगाव गणपतीमाळ परिसरात मोटारसायकल चोरीची घटना घडल्याची तक्रार शिरूर पोलीस ठाण्यात दाखल झाली आहे.

शिरूर पोलीस ठाणे (गु.र. नं. 783/2025) अंतर्गत दाखल झालेल्या फिर्यादीत संतोष विलास वनशिवे (वय 34 वर्षे, धंदा-शेती, रा. सादलगाव गणपतीमाळ, ता. शिरूर, जि. पुणे) यांनी नमूद केले आहे की, दिनांक 31 ऑक्टोबर 2025 रोजी रात्री 11 वाजल्यापासून ते 1 नोव्हेंबर 2025 रोजी पहाटे 4 वाजेपर्यंत त्यांच्या घरासमोर उभी केलेली त्यांची बजाज कंपनीची डिस्कव्हर काळ्या रंगाची मोटारसायकल (क्र. MH12JR3476) अज्ञात चोरट्याने चोरून नेली.

फिर्यादीने आपल्या तक्रारीत सांगितले की, त्यांनी मोटारसायकल घरासमोर हॅन्डल लॉक करून पार्क केली होती. मात्र दुसऱ्या दिवशी सकाळी वाहन चोरीस गेल्याचे त्यांच्या लक्षात आले. चोरट्याने मोटारसायकल मुद्दाम फसवणुकीच्या हेतूने व स्वतःच्या फायद्यासाठी चोरून नेल्याचे नमूद करण्यात आले आहे.

चोरी गेलेल्या मोटारसायकलीचा चॅसिस नंबर MD2A14AZ0CWE26324 व इंजिन नंबर JBZWCE27211 असून तिची किंमत अंदाजे ₹10,000/- इतकी असल्याचे फिर्यादीने सांगितले आहे.

या प्रकरणात शिरूर पोलिसांनी भा.न्या.सं.का. कलम 303 (2) अंतर्गत गुन्हा दाखल केला आहे.
प्राथमिक तपास पोलीस हवालदार शिंदे यांच्या ताब्यात असून दाखल अंमलदार पवार यांनी नोंद केली आहे. या घटनेचा तपास पोलीस निरीक्षक मा. श्री. संदेश केंजळे यांच्या मार्गदर्शनाखाली सुरू आहे.

पोलीसांनी परिसरातील सीसीटीव्ही फुटेज तपासण्याचे व संशयितांचा शोध घेण्याचे प्रयत्न सुरू केले आहेत. या संदर्भात नागरिकांना संशयास्पद हालचाली किंवा माहिती असल्यास तात्काळ शिरूर पोलिसांशी संपर्क साधण्याचे आवाहन करण्यात आले आहे.