पुणे / शिरूर, 12ऑगस्ट 2026 : (सिराज शेख यांच्याकडून )

Pune Nagar Highway Accident : शिरूर: पुणे-नगर महामार्गावर अपघातांची मालिका! १७ कमानी पूल ते रिलायन्स पेट्रोल पंप दरम्यान स्पीड ब्रेकर अन् सीसीटीव्ही बसवण्याची मागणी

पुणे-नगर महामार्गावरील १७ कमानी पूल (संग्राम हॉटेल समोर) ते रिलायन्स पेट्रोल पंप चौक (शिरूर) या अत्यंत गजबजलेल्या टप्प्यावर रस्ता अपघातांचे प्रमाण दिवसेंदिवस वाढताना दिसत आहे.

या धोकादायक रस्त्यावर वारंवार होणाऱ्या भीषण अपघातांमुळे नागरिकांच्या जीवाचा खेळ सुरू आहे.

कालच म्हणजेच ११ ऑगस्ट २०२६ रोजी दुभाजक (Divider) क्रॉस करताना झालेल्या एका भीषण अपघातात २ जणांचा जागीच मृत्यू झाला.

या घटनेमुळे शिरूर शहर आणि परिसरातील नागरिकांमध्ये तीव्र संतापाची लाट पसरली आहे.

या समस्येकडे प्रशासनाचे लक्ष वेधण्यासाठी सामाजिक कार्यकर्ते आणि अति मागास वर्ग उत्थान समितीचे सदस्य प्रीतेश वंदना इंद्रभान फुलडाळे (Pritesh Vandana Indrabhan Phuldale) यांच्या पुढाकारातून उप बांधकाम विभाग अधिकारी, सार्वजनिक बांधकाम उपविभाग, शिरूर यांना निवेदन देण्यात आले आहे.

● Pune Nagar Highway Accident: अपघातांचे मुख्य कारण:

तुटलेले दुभाजक आणि वेगावर नियंत्रणाचा अभाव

स्थानिक नागरिक आणि ग्रामस्थांच्या म्हणण्यानुसार, संग्राम हॉटेल समोर ते रिलायन्स पेट्रोल पंप चौकादरम्यान अनेक ठिकाणी दुभाजक (Divider) तुटलेल्या अवस्थेत आहेत.

त्यामुळे वाहनचालक अचानक आणि चुकीच्या पद्धतीने रस्ता ओलांडण्याचा प्रयत्न करतात.

तसेच शास्त्रोक्त पद्धतीने स्पीड ब्रेकर (Speed Breakers) आणि दिशादर्शक फलक नसल्यामुळे या महामार्गावरून सुसाट वेगाने जाणाऱ्या वाहनांवर नियंत्रण राहत नाही.

यापूर्वीही या ठिकाणी अनेक लहान-मोठे अपघात झाले असून कित्येकांनी आपले प्राण गमावले आहेत. प्रशासनाकडून अद्याप ठोस आणि कायमस्वरूपी उपाययोजना न केल्याने नागरिकांमधून तीव्र नाराजी व्यक्त केली जात आहे.

निवेदनात करण्यात आलेल्या ५ मुख्य मागण्या
शिरूर शहर आणि शिरूर ग्रामीणच्या समस्त ग्रामस्थांच्या वतीने खालील प्रमुख मागण्या प्रशासनासमोर मांडण्यात आल्या आहेत:

● Pune Nagar Highway Accident : शास्त्रोक्त पद्धतीने स्पीड ब्रेकर:

१७ कमानी पूल ते रिलायन्स पेट्रोल पंप चौकादरम्यान तुटलेले दुभाजक दुरुस्त करून तात्काळ शास्त्रोक्त पद्धतीने गतिरोधक (Speed Breakers) बसवण्यात यावेत.

● रेफ्लेक्टर कलर पट्टे:

रात्रीच्या वेळी अपघात टाळण्यासाठी गतिरोधक व दुभाजकांवर चमकदार रेफ्लेक्टर कलर पट्टे मारण्यात यावेत.

● दिशादर्शक व सूचना फलक:

‘वाहने सावकाश चालवा’ अशा स्पष्ट सूचना देणारे दिशादर्शक फलक ठिकठिकाणी बसवण्यात यावेत.

सीसीटीव्ही कॅमेरे (CCTV Installation): १७ कमानी पूल चौकामध्ये सुरक्षेच्या दृष्टिकोनातून तात्काळ सीसीटीव्ही कॅमेरे बसवण्यात यावेत.

● दुभाजकांची दुरुस्ती:

तुटलेल्या अवस्थेत असलेले दुभाजक तात्काळ पूर्ववत करण्यात यावेत.

● लोकशाही मार्गाने आंदोलनाचा इशारा

“जर सार्वजनिक बांधकाम विभागाने आणि संबंधित प्रशासनाने लवकरात लवकर यावर योग्य ती कारवाई केली नाही, तर समस्त शिरूर शहर व ग्रामीण नागरिकांच्या वतीने लोकशाही मार्गाने तीव्र आंदोलन छेडण्यात येईल,” असा इशारा प्रीतेश वंदना इंद्रभान फुलडाळे यांनी दिला आहे.

या निवेदनावर शिरूर नगरपरिषद, पोलीस ठाणे आणि तहसील कार्यालयाचा आवक शिक्का (Inward Stamp) प्राप्त झाला आहे.

● निवेदनावर असलेल्या प्रमुख नागरिकांच्या व डॉक्टरांच्या स्वाक्षऱ्या (Signatories):

प्रशासनाला दिलेल्या या Pune Nagar Highway Accident अधिकृत पत्रावर शिरूर येथील अनेक सामाजिक कार्यकर्ते, डॉक्टर्स आणि नागरिकांनी स्वाक्षऱ्या करून पाठिंबा दर्शवला आहे:

●प्रीतेश वंदना इंद्रभान फुलडाळे (सामाजिक ●कार्यकर्ते / व्हिसल ब्लोअर, अति मागास वर्ग ●उत्थान समिती सदस्य)
●डॉ. वैशाली साखरे
●डॉ. सुनिता संतोष पोटे
●सविता बोरुडे
●प्रीती बनसोडे
●गाजरे
●गायकवाड
●रवींद्र पी. खुंडे (Ravindra P. Khunde)
●एस. डी. आवारी (दादा आवारी)