शिरूर | प्रतिनिधी

Vadgaon Rasai Canal Damage : शिरूर तालुक्यातील वडगाव रासाई येथे पाटबंधारे विभागाच्या कालव्याला अनधिकृतरित्या भगदाड पाडून कालव्यातील पाण्याचा प्रवाह बदलल्याने शासनाचे ₹1 लाख 31 हजार 750 रुपयांचे नुकसान झाल्याची घटना उघडकीस आली आहे.

या प्रकरणी शिरूर पोलीस ठाण्यात एका व्यक्तीविरुद्ध गुन्हा दाखल करण्यात आला असून पुढील तपास सुरू आहे.

Vadgaon Rasai Canal Damage : कालवा फोडल्याचा आरोप

पोलिसांनी दिलेल्या माहितीनुसार, १४ जुलै २०२६ रोजी सायंकाळी ५ वाजण्यापूर्वी सुशांत अशोक शेलार (रा. वडगाव रासाई, ता. शिरूर) यांनी पाटबंधारे उपविभाग, शिरूर यांची कोणतीही पूर्वपरवानगी न घेता कालव्यावर अनधिकृतपणे पाईपलाईन सायफन करून कालवा फोडल्याचा आरोप आहे.

तसेच कालव्यातील पाण्याचा प्रवाह बदलून सिंचन व्यवस्थेत अडथळा निर्माण करत सार्वजनिक मालमत्तेचे नुकसान केल्याचे फिर्यादीत नमूद करण्यात आले आहे.

Vadgaon Rasai Canal Damage : कालवा निरीक्षक, पाटबंधारे उपविभाग, शिरूर यांची फिर्याद

या प्रकरणी प्राजक्ता विठ्ठल वाठे (वय २९), कालवा निरीक्षक, पाटबंधारे उपविभाग, शिरूर यांनी दिलेल्या फिर्यादीवरून शिरूर पोलीस स्टेशन गुन्हा रजिस्टर क्रमांक ६५१/२०२६ दाखल करण्यात आला आहे.

सार्वजनिक मालमत्तेचे नुकसान

आरोपीविरुद्ध भारतीय न्याय संहिता (BNS) कलम ३२६(ब), ३२४(५), महाराष्ट्र सिंचन अधिनियम, १९७६ चे कलम ९३ तसेच सार्वजनिक मालमत्तेचे नुकसान प्रतिबंधक अधिनियम, १९८४ चे कलम ३ अन्वये गुन्हा नोंदविण्यात आला आहे.

पुढील तपास पोलीस हवालदार गवळी यांच्याकडे

Vadgaon Rasai Canal Damage या घटनेचा पुढील तपास पोलीस हवालदार गवळी करीत असून, अधिक तपासानंतर पुढील कारवाई करण्यात येणार असल्याची माहिती पोलिसांनी दिली.